गुरुपौर्णिमेच्या सदिच्छा

      आज गुरुपौर्णिमेच्या निमित्ताने गुरूचे महात्म्य सांगणाऱ्या पोस्ट पाठवण्यापूर्वी जरा आठवूया शाळेत असताना आपल्या गुरूने दिलेली शिकवण.
१) कधीतरी गुरूने सांगितले होते कि आरोग्य हीच खरी संपत्ती आहे. आज आपण ती संपत्ती जपतोय का? योग्य आहार-विहाराबरोबर व्यायाम करतोय का?
२) कधीतरी एकदा गुरूने सांगितले होते निर्व्यसनी असण्याचे महत्त्व. सिगारेट, दारू, तंबाखू, गुटखा यांचे व्यसन असणे ही सगळ्यात वाईट गोष्ट आहे. आपण आज व्यसनांपासून दूर आहोत का? गुरूने दिलेली निर्व्यसनी राहण्याची शिकवण आज आपण आचरणात आणतोय का?
३) कधीतरी गुरुजींनी सांगितले होते सत्य निष्ठेचे महत्व. आज आपण सत्याने वागतोय का? बोलताना जास्तीत जास्त खरे बोलण्याचा प्रयत्न करतोय का?
४) कधीतरी एकदा गुरूने सांगितले होते भ्रष्टाचार, अनाचार, काळा पैसा ही या देशाला लागलेली कीड आहे. आज आपण वैयक्तिक जीवनात भ्रष्टाचारापासून दूर आहोत का?  भ्रष्टाचार करण्याची संधी असतानाही भ्रष्टाचारापासून दूर राहण्याचा प्रयत्न करतोय का?
५) गुरूने एकदा असे सांगितले असेल 'जनसेवा हीच ईश्वरसेवा.' आज आम्ही जनसेवेत ईश्वराला पाहतोय का?

वरील प्रश्नांची उत्तरे 'होय' असतील तर तुम्ही खऱ्या अर्थाने आज गुरुपौर्णिमा साजरी करत आहात. आपले मनःपूर्वक अभिनंदन आणि गुरुपौर्णिमेच्या खूप खूप सदिच्छा!
💐💐💐