मंदबुद्धी भक्त

भक्ती तुम्हाला कोणता मूर्खपणा करायला लावेल ते सांगता येणार नाही. सध्या मोदीभक्त भक्तीत इतके बुडून गेले आहेत की त्यांना मेंदू आहे की नाही अशी शंका यावी. आज हा लेख लिहायला निमित्त ठरली ती सोशल मीडियावर 

'#मोदीजी_मला_अभिमान_वाटतो_तुमचा'

या शीर्षकाची  व्हायरल होत असलेली एक पोस्ट. ही पोस्ट उपहासात्मक आहे. त्यात मोदींनी २२ मार्चला जो जनता कर्फ्यू घोषित केला आहे आणि त्यानिमित्ताने जो टाळ्या वाजवण्याचा सल्ला दिला आहे, त्याची टर उडवली आहे. अगदी मोदींची इज्जतच काढली आहे. त्यामुळे मोदीविरोधकांनी ही पोस्ट पसरवणे समजू शकते. पण भक्तांची गोष्टच वेगळी. ज्या पोस्टमध्ये आपल्या  नेत्याची इज्जत काढली आहे तीच पोस्ट भक्त मंडळी मोठ्या प्रमाणात शेअर करत आहेत. त्यामुळे माझ्यासारख्यांचे खूप मनोरंजन झाले.

हे काही पहिलेच उदाहरण नाही. यापूर्वीही असे झाले आहे.  तर अशी असतात ही भक्त मंडळी. भक्तीच्या नशेत पूर्णपणे बुडालेली. स्वतःच्या मेंदूचा वापर न करणारी. 

पण  याची काळजी वाटतेय. कारण अशाच मंदबुद्धी भक्तांच्या जोरावर सरकार समाजविघातक निर्णय देशावर थोपत आहे. सरकार चुकीचे निर्णय घेते. आणि भक्त मंडळींना तयार मजकूर, प्रतिमा आणि व्हिडीओज पुरवते. आणि मग भक्त मंडळी सुरू होतात. त्यांना आपण कोणत्या कुकृत्यात सहभागी झालोय याचे भानही नसते. 

नियत साफ नसलेला नेता आणि निर्बुद्ध अनुयायी असलेला देश रसातळाला जायला वेळ लागत नाही. हे इतिहासात दिसून आलेले आहे. म्हणूनच काळजी वाटते.